يرن جوال ساره.. ـ ألو.. ـ هلا.. هذا جوال ساره (صوت ذكوري ماتعرفه) ـ لا غلطان... ـ طيب نوره.... :: طوط :: تقطع الخط بوجهه ((جاب اسمي مجرد صدفه!! ،، او لان الجوال باسمي!! ،، يمكن يعرفني ،، اذا دق مره ثانيه بتصرف معاه!! )) ₪₪₪₪₪₪₪₪ دانه جالسه بالصاله مع اهلها.. يرن الجوال برقم غريب..
ـ خذ يا أحمد _ أخوها الكبير_ رد على جوالي رقم غريب ماعرفه،، ـ الو..... ـ هلا.... ـ فيه أحد داق على جوالي!! يغطي أحمد السماعه بيده ،، دانه انتي داقه عليه!!!! ـ لا والله مادقيت!! ولا بالغلط حتى ((جوال دانه استقبال!!!!!!)) يعود للمكالمه ـ هلا متى دقينا على جوالك ـ ........... ـ ما شالله والساعه ست ونص!! ـ ................ ـ لا محد داق يالنصاب ياللي فيك ومافيك يا............ تلعب على بنات الناس فيك خير تعال قابلني ـ الله ياخذ....الله....... ويسكر أحمد ودمه يغلي ويبدى يرغي ******** كم مره دق!؟ قد دق عليك أحد غيره!! ((دانه تهوجس،، ليتني ماعطيته،، ضيقت صدره على شي مايستاهل!!! ونكدت قعدتنا ع الفاضي!!)) ₪₪₪₪₪₪₪₪
سديم في السنه الثانيه الجامعيه دق جوالها برقم غريب تطالعه بريبه أرد والا ما ارد،، ـ هلا.. ـ هلا قلبي.. ـ قلبك مين ياقليل الادب يالي ماتستحي يالي.. يالي.. الخ،، ـ أموت عـ المعصبين أنا ـ كل تراب،، أنت وش تبي أنت!!من عطاك رقمي!!وليه .. ومن قال... الخ،،
بعد ان كثر الكلام ::: طوط :: تقطع الخط بوجهه رجع دق عليها بوقت متأخر من الليل ـ أهلين ـ انت ماتقول لي وش تبي!! ياخي قلت لك ماني راعيه هالحركات،، ماعندك اخوات انت!! ماتخاف من ربك!! << يدخل ابوها بعد ماسمع صراخها>>
( اقفلت الخط خلسه) ـ من تكلمين؟! ـ وحده من صديقاتي!! ـ نامي يابنيتي ولا تكلمين باخر الليل ـ يقطع كلامه صوت جوالها يرن اخذ ابوها الجوال: ـ هلا ياعمري انتي.. ـ . . . . . . . . . . . . . ـ الو.. ـ. . . . . . . . . . . . . ـ ياعسل ردي.. ـ. . . . . . . . ((تنهار اعصاب الاب،، تنهار ثقه الاهل،، يدخل الاب المستشفى من التعب،، وتحرم سديم من الدراسه ومن كل شي لين يجيها عريس الغفله!!!)) ₪₪₪₪₪₪₪₪ جوال سميه دايم سبيل!! مره بالصاله يلعبون فيه اخوانها،، ومره تاخذه اختها تصور،، ومره،، ومره ،، نادرا ما يرن ويكون معها!! دايم تلقى 5 مكالمات لم يرد عليها!! رن.. رقم ماتعرفه.. بكل بساطه ردت ـ ............................ ـ الو.. الو.. ( صوت ذكوري لم تألفه ) ـ ............................ ـ هيه ردو.. أكلم صنم انا !! ـ .............................. وترمي الجوال على الكنبه،، وتخلي السماعه مرفوعه وتكمل حياتها عادي... واخونا في الله ينتظر احد يرد عليه،، بعدين اعجبته السالفه يسمع سواليف العائله !! ساعه وسكّر ... ايه ساعه!! يدق..في وقت ثاني.. وكالعاده،، ترفع الجوال احد ماتعرفه تخليه ينلطع وتروح!!
((سميه بنظرها انها مريحه بالها من القرقه وكثره اللغي،، وشوله اقول لابوي، اخوي،اخسّر الي يدق وابرد حرتي فيه!! يرسل لها بعد مدّه اسماء اخوانها،، حتى اسم شغالتهم!!! )) ₪₪₪₪₪₪₪₪
ساره / دانه / سديم / سميه / نورة / منى.. وكل البنات!! يومياً تصيرلهم مثل هالمواقف!! مواقف قد تكون حرجة قد تكون هادمة للثقة .. كم خربت علاقات بيين الفتاة وأبيها أو الفتاة وأخيها ..بسبب لا يستحق شرف الذكر.. في مجتمعنا بعض من الظلم..وعدم الفهم يفتقد الأهل سياسة أن تكون مكان من تلوم حتى لا تظلم,, إن أخطأت الفتاة بقصد أو بدون عوقبت وحرمت ثقة حرية حتى حرمت أن تمارس حقوقها كإنسانة.. وإن فعلت ما تراه صحيحا لومت وعوقبت وحرمت.. في كلا الحالتين معاقبة في كلا الحالتين هي مخطئة.. نسمع كثيرا "ارضاء الناس غاية لا تدركـ" قديمة.. ولكن ..ماذا ان لم يكن هناك خيار؟ اما أن نرضيهم بطيب نفس وعدم اقتناع أو نضطر لإرضائهم خشية ظلمهم .. *** أعزائي في مثل هالمواقف.. ** برأيكـ /ي ماهو التصرف السليم؟! ترد! تحقر !تطنش! تعطي ابوها او اخوها!؟ **ماهو ردّ فعل ( الاخ / الاب ) في مثل هالمواقف؟!؟؟ **دق أحد يعرفكـ بالاسم وش بتسويـ /ـن؟!؟ **تجربتكـ لو قد دق مغازلجي لا سمح الله وش الاسلوب الامثل الي نفع معه اللي يفكنا منه عشان ماعاد يدق!! : : أتمنى ألقى تجاوب أتمنى أن أرى ردود أفعالكم في تلكـم المواقف ييهمني جدا
لكم تحياتي .. وخاص ودي..
تـسـاهـيـل vip
اذكـر الله يذكرك : رقــم الـعـضَـويَـة : 8تاريخ التسجيل : 07/11/2009عدد المشاركات : 797فريـقــك : الجنس : 1550 3 سسبحان الله وبحمده سبحان الله العظيم
موضوع: رد: ازعاجات الجوالات.. نقاش واقعي.. الثلاثاء سبتمبر 28, 2010 9:22 am
** برأيكـ /ي ماهو التصرف السليم؟! ترد! تحقر !تطنش! تعطي ابوها او اخوها!؟ طبعا بالبدايه راح اطنش لاكن لو زاد الموضوع عن حده وحسيت ان المتصل مسخها اخواني موجودين يقومو بالواجب
**ماهو ردّ فعل ( الاخ / الاب ) في مثل هالمواقف؟!؟؟
وردة فعلهم راح تكون عاديه وش اللي يكون لهم ردة فعل خير اتصال بالخطأ
**دق أحد يعرفكـ بالاسم وش بتسويـ /ـن؟!؟ اووووووووووه تحصل كثير خصوصا لو كنتي بمجتمع كبير زي الجامعات والمعاهد شي عادي دامي عارفه نفسي وواثقه من نفسي مايهم يعرف اسمي اومايعرفه
**تجربتكـ لو قد دق مغازلجي لا سمح الله وش الاسلوب الامثل الي نفع معه اللي يفكنا منه عشان ماعاد يدق!! على طول على اخواني يتفاهمو ويتصرفومعاه وقابلوني لو دق بعد كذا
هلآآآليّهـّ آآآآهـ يآذكريآت الطفولهـ
اذكـر الله يذكرك : رقــم الـعـضَـويَـة : 76تاريخ التسجيل : 31/03/2010عدد المشاركات : 3709فريـقــك : الجنس : 3987 17 اعـــــلن "هلآآآليتي" وآماريبه ع الروس الطوآآآآل..
من قمه الضلع المويق لقمه الضلع المويق..
مع احترآآآمي للجميع من الجنوب الى الشمآآآل..
يبقى زعيم الانديه والمجد والصيت العريق...
موضوع: رد: ازعاجات الجوالات.. نقاش واقعي.. الأربعاء سبتمبر 29, 2010 10:07 am
لين الحين في عوائل متشددين او بالاصح(معقدين) لكن فيه بعد عوائل متفهمين بس لو قدر المتصل انه يقنعه راح العقل كله الله يحمينآ ويكفينآ منهم..
** برأيكـ /ي ماهو التصرف السليم؟! ترد! تحقر !تطنش! تعطي ابوها او اخوها!؟ اصلا مارد اذا هو رقم غريب اذا في احد عندي اخليه يرد اذا مافيه سيفووون
**ماهو ردّ فعل ( الاخ / الاب ) في مثل هالمواقف؟!؟؟ عآدي لأنهم يعرفون الشبآب وحركآتهم
**دق أحد يعرفكـ بالاسم وش بتسويـ /ـن؟!؟ اكيد دامه يعرف اسمي اكيد يعرفني فعآدي يامقلب او احد يبي يسوي مشآكل..ومايهمني يعرف او لا دامه غريب علي يبقى غلطان بالرقم **تجربتكـ لو قد دق مغازلجي لا سمح الله وش الاسلوب الامثل الي نفع معه اللي يفكنا منه عشان ماعاد يدق!! الله يخلي رجآلنآ بكلمتين يحرم يدق ولو بالغلط مره ثانيه
موضوع: ازعاجات الجوالات.. نقاش واقعي.. 
الإثنين سبتمبر 27, 2010 10:32 pm
